اول مقاله لى..؟!!

غياب طويل عن المدونه وانشغال..

اليوم يوم الجمعه الموافق 17/7/2009

بشاره حلوه لى

صدور العدد السابع من مجلة فصول

ونزول اول مقالة لى

:)

16/6 غبار.......؟!!

الجو مو طبيعي

غبار

والواجد ما يقدر يطلع ولا يشوف شى

طلعنا نص الطريج وردينا :(

وبدت اتصالات الوالد ردوا البيت ..!!

الله يستر

10/6 يوم الاربعاء..؟!!

اليوم عندي امتحان gr112 والحمدلله قدمت زين..

وطلعت من البيت والجو كان حار وايد الله يعين بالكورس الصيفي..

وماكو غدا امى مسافره..

رديت البيت يوعانه والوقت متأخر الساعه 6 وشوي..

قررت انا واحتى ان نطبخ ..

واتفقنا على المموش والروب ودهن العداني ..

ولازم شى بارد ماكو الا بيبسي..

دوامات اعمالي..؟!!

افكار ومشاغل وطموح وتحدي ومشاعر ونبضات ..

مرينا بيوم وكان من افضل المناسبات على دولتنا الغاليه الكويت..

عرس الديمقراطيه..

والانتخابات وفوز المرأه الساحق ودخولها المجلس..

وهالشى فرحنى ويمكن تثبت وجودها وتشرع قوانين بنى جنسها من النساء..

كلى امل بمستقبل رائع..

،،،،،،،،،،،،،،،،،،،،،،،،،،،،،،،،،،،،

ومن ناحية طموحى عندي امتحانين شهر 6 وفيني تحدي لازم ايب A فيهم..

كرست نفسي للدراسه..

وابتعدت عن رفيجاتي واخواني واخواتى..

اعذروني هالفتره ..

فتره تحدي لاثبات ذاتي..

،،،،،،،،،،،،،،،،،،،،،،،،،،،،،،،،،،،،

وان شاء الله بالشهر القادم بتنزل لى اول مقاله بمجله فصول وبتكون اول اصدار لها..

وان شاء الله بتكون اول خطوه لى بعالم الصحافه..

،،،،،،،،،،،،،،،،،،،،،،،،،،،،،،،،،

مشاعر ونبضات ونظرات اعجاب..

وخاطره خطتها اجمل الانامل..

هزت كياني وعرشي ..

لا ادرى ما القادم ولا ادرى ماذا افعل..؟

خائفه من الاستسلام وخوض معارك التضحيه ..

هل ممكن ان اضعف وارتمي باحضان تلك المشاعر؟

هل ممكن ان اسدل ستائري القويه ؟؟

لا اعلم من القادم....!!

كويز b300

كان عندي كويز لماده يوم 7/5/2009

وكالعاده الوقت بسرعه يمشى وما درست عدل

وقرقره المسنجر

قررت ان

لا تنصدمون

امون عليكم

7
7
7
7

7
7

ان ابرشم

خخخخخخخخخخخخخخخخخخخخ

ومنو قالى الفكره الجهنميه اختى الصغيره

عيال الثنويه الشياطين

فى يوم 28/4/2009

اقامت شركة المشروعات الكبرى لمشاريع الكويت تجمع بمنتزه الشعب الترفيهي

هذي الكويت صلّ على النبي @@

رجوع بعد غياب ؟!!

السلام عليكم


كم اشتقت للتواجد بمدونتي الراقيه؟

وكم غبت فتره من الزمن عن مكانى العزيز

وكم اخذتني امور الدنيا ومشاغلها عن كتاباتي وتعليقاتي

رجعت لك يا مدونتي الغالية