يوم الاثنين الموافق 19/1/2009
كان يوم حافل بالنسبه لى
كنت سهرانه علشان اطلع من البيت مبجر واخلص جم شغله عندي
رحت مكتب الديوان بكيفان يبت واجبي والمفروض اسلمه على lms
قبل 12:55 بالليل
ونسخة هارد كوبي للاستاذ ويكون متواجد بالجامعه من 6:4
رحت وكلمت مستر ديليب وشفت الواجب مو مضبطه ومو نفس الملاحظات
اللى طلبتها ولا حاط skills ووقعدت نص ساعه انتظره يعدل لى الواجب
خلص وطرشه على ايميلي
طلعت قلت بمر التعليم العالي بالمنطقه الحرة
ومثل ما انتوا شايفين زحمه الشاحنات واللويه بهالمنطقه والمينا
بعد ما وصلت التعليم العالي بغيت اسأل عن سبب تأخرى بصرف المكأفأة الاجتماعيه
ورحت المبنى 4 وقالولى احنا هنى للبعثات قلت مدام انا موجوده خليني اسأل عن الجامعات المعترف فيها بره
الكويت للماجستير وخذيت جم ورقه كل دوله وشنو الجامعات المعترف فيها واللى موجوده على الاستاند
رحت المبنى واحد وقالت احنا هنى نفتح ملفات للبعثات المالية مبنى 2
شكلى بفر المبانى كلها :p
رحت المبنى 2 والموظفات وحده تقطنى على الثانية
سألت وحده جان تقول انتوا الجامعه الوحيده اللى يتني فقط 137 كشف والباقى مو عندى
لان الجامعات الخاصه تابعه لمبنى بشرق
:(
وطلعت وبعد هالدوخه لا جواب مقنع
لكن لاحظت اماكن حلوه بالمنطقة الحرة
فندق موفنبيك والكافيهات والمطاعم الراائعه
خلصت مشواريين باقى مشوار اسوي موعد لخشمى بمستشفى زين
رحت وكنت حاط ببالى الدكتور ماجد الحربي لكن قالت لى الكاتبه
انه طلع من زمان عيادة خاصة منو تبين غيره؟
فكرت وعلى كلام رفيجتى بالجامعه حطيت عند الدكتور الصبييح
والله يستر موعدي 9/2/2009
طلعت تذكرت ابوي يبي نتيجه اللجنة الطبيه مقدم من 22/12/2008
وبين لويه مبنى العلاج بالخارج وواحد يغطنى على الثانى كل هذا علشان النتيجة
ومضيعين التقرير من ابن سينا حق ابوي
وراجعت ابن سينا يقولون التقرير طالع م 6/1/2009 ومستلم للجنه الطبيه
راجعيهم هم مضيعينه
ومن واحد لواحد وواخيرا حصلوا التقرير
والنتيجة بالرفض :(
دخلت على الدكتور وزرعنى ساعه يتحجى بالتلفون وانا انتظره
ليش دكتور مرفوض ويصير اقدم من يديد قالى اي
طلبت دخول لجنة طبية مره ثانية وليش الرفض وحدد موعد فى الخميس 22/1/2009
والله كريم
<<< يبيله واسطه
هذا ثاني مره ابوي يقدم للجنة الطبية وتنرفض
الله كريم
ولويه الصبح والجو الحلو والمشوارير وانا سهرانه ومواصلة
رجعت البيت ولازم ااسنع واجبي قبل 4 العصر
قعدت وزين اشوف الكيبورد للاب ايت اختى ونادتنى غدا تبين
مجبوس دياي الله <<< تذكرت الدغيشم
ريحته ما تقاوم وبين سرعة مرور الوقت
تغديت وسوالف وكل وحده تقول حلمها
ومصيبه اهلى ايوا الازاله فريجنا وقالوا شيلوا الجبرات اللى بالحديقه
ممنوعه ولكم 24 ساعة فقط
ومسجينه امى ضايق خلقها وابوي يدقدق على الحداده يبي احد يبطلوهم ويشيل الكريبي بالسطح
انا اقترحت على وضعهم تنشال بونش للسطح
مثل جيرانا شال مسجين ديوانيته على هيكلها وحطها بالسطح
ومرت الساعه وسوالف ونسيت واجبى
شفت الساعه 5 وشوي العصر للحين ما خلصت
ركض لغرفتى احط اللمسات الاخيره واعدل الاسكيلز واطبعه
وانا البس والطابعه تتطبع وطيران للجامعه وكان يومها القمه والشوارع نصها مصكره وزحمة
على ما وصلت الجامعه الساعه 6 ودقيقه طيران لغرفة الاستاذ قبل لا يطلع
والممر بالجامعه زحمة ولويه الامتحانات والكل مرتبك وخايف وواحد يدعم بالثاني صادفت رفيجتي بالممر
وسالتها موجود الاستاذ قال اي موجود وهو قال بيتأر شوي لان عارف الطريج زحمة بسبب القمة الاقتصادية
عطيت الاستاذ الواجب وارتحت من همه وبلغنى الحمدلله ان واجبي الاول كنت من الافضل العلامات
طلعت وتمشيت مع رفيجتي بالممر والا بنات لدعاية ريد بيل
كيفكم بدكم ريد بيل يعطيكم جوانح قبل الامتحانات؟
رفيجتي: لا شكرا
انا: اي ياليت يبيله من امس مو نايمة بس من غير تصوير
بنات ريد بيل: اي لا كان من غير تصوير جيك اششششششش
بطلت لى الريد بيل واستمتعت بطعمه
رجعت البيت تعبااااااااااانه ابى انام
قلت امر الجمعيه يبيله كوفى ميت ونسكافيه شريت وكاكاو lion :p
رجعت البيت
نمت وقعدت بعد ساعتين فقط
شسالفه بنام يومين مو نايمه
تذكرت انى شربت ريد بيل ونوع من المنبهات
خذيت حبة بروفين 600وغطيت بسبات عميق الى الساعه 5 الفجر
وقعدت وكتبت يومياتى
يوم شاق وومتعب ولكن ملى بالانجازات
:)
No comments:
Post a Comment